No icon

ჩერგოლეიშვილმა სააკაშვილს გადაგვარებული პოლიტიკური იმპოტენტი და ბოროტი კლოუნი უწოდა

loading...

(ენ-პი-ეი) "გადაგვარებული პოლიტიკური იმპოტენტის, იგივე მიშა სააკაშვილის ინტერვიუს და ბრალდებებს რაც შეეხება - ეგ ტოქსიკური და ბოროტი კლოუნი რაც მეტ ბრალდებას ისვრის ჩვენი მისამართით, მით უკეთესი" - ასე პასუხობს "ტაბულას" ხელმძღვანელი თამარ ჩერგოლეიშვილი მიხეილ სააკაშვილის გუშინდელ ინტერვიუს ეკა კვესიტაძესთან.

"უნდა ვუპასუხოთ, ვუპასუხოთ მხოლოდ იმიტომ, რომ კიდევ უფრო ნათელი გახდეს, რომ მაგ მორალურად დეგრადირებულ არსებასთან აღარაფერი გვაკავშირებს.

მაგრამ გულისრევის გარდა, ცხადია არაფერს იმსახურებს ეგ საფრთხობელა.

ერთი დღე ვერ გაუძლო ციხეს და მონანიების სამარცხვინო წერილები წერა პოროშენკოს, დღეს დამდგარა და აგრძელებს საქართველოს და ქართველი ხალხის შეურაცხყოფას მხოლოდ იმიტომ, რომ მისნაირ მხდალ და დეგრადირებულ პოლიტიკოსს უარი უთხრა ისე, რომ ერთი წამით არ დაფიქრებულა თავად რა შეეშალა მათთან.

არანაირი აზრი შინაარსის გარჩევაში შესვლას არ აქვს, იმიტომ რომ მისი ყველა სიტყვა ურთიერთგამომრიცხავია და მის ნათქვამს, მთლიანობაში შინაარსი არ გააჩნია.

მთავარია ყველამ დაიჯეროს, რომ მაგ გამყიდველ და მხდალ ჯამბაზთან აღარაფერი გვაკავშირებს." - წერს თამარ ჩერგოლეიშვილი.

შეგახსენებთ, რომ გუშინ მიხეილ სააკაშვილმა " ევროპულ საქართველოს" ბიძინა ივანიშვილისთვის მიყიდულები უწოდა.  

 

loading...

Comment